كل من يريد ان يصبح هاكر حقيقى عليه ان يدخل هنا اولا ‏

اذهب الى الأسفل

كل من يريد ان يصبح هاكر حقيقى عليه ان يدخل هنا اولا ‏

مُساهمة من طرف الزعيم في الإثنين مارس 24, 2008 9:22 pm

السلام عليكم ورحمة الله وبركاته

اولا كل عام وانتم طيبين وبصحة وسلامة ويكون منتدى قراصنة فلسطين فى احسن حال باذن الله

ثــــــآنــــيـــــاً

ياجماعة كان فى عضو هنا من فترة كتب موضوع شبيه باللى انا هكتبه دلوقتى
وهو ازاى تبقى هاكر وانت اصلا مش عايز تساعد حد ولا عايز تتفاعل مع حد فى
المنتدى

يعنى يدوب تدخل الموضوع لو عجبك وحسيت انه هيفيدك تدخل
تشوف الروابط والشرح وتقوم وتحمل الروابط ومتعبرش صاحب الموضوع بكلمة شكر
حتى علشان يحس ان مجهوده دة متقدر من اللى حملوا البرامج

على كل
حال انا موضوعى هيبقى موجه لنوعين من الاعضاء النوع الاول اللى بيكتب
مواضيع والنوع التانى من اللى بيدخلوا علشان ياخدوا الروابط وخلاص على كدة
واخر رسالة هتبقى موجه للمشرفين فى المنتدى


اولا رســـــــآلــتى الى الاعضاء اللى بينزلوا مواضيع جديدة :

اولا اللى بينزل مواضيع ويكون دامج فيها باتشات اقوله اتقى الله وراعى
ضميرك ازاى هتبقى هاكر محترم وانت بتجرب برامجكك والمعلومات والخبرة اللى
اخدتها من اخواتك العرب والمسلمين عليهم هما نفسهم

ازاى تخليهم
يبقوا فئران تجارب راعى ضميرك ومتستهنش بعمل زى دة لان دة عقابه شديد امام
الله يوم القيامة لما تنزل مووضوع وتغرى الاعضاء وتقول امثال هذه الكلمات
( الحقوووا احدث برنامج كذا الحقووووا اقوى برنامج كذا الحقووووا افضل
برنامج فى مجال كذا )

تخدع الاعضاء اللى داخلين فى امان الله
علشان يلاقوا برنامج قوى وفى نفس الوقت بشرح محترم يتفهم واى واحد بسيط
يفهمه مش محتاج قدرات عقليه عاليه علشان واحد يفهمه دية عقابها شديد امام
الله يوم القيامة وبدل ماتجربها على اخوانك الاعضاء العرب والمسلمين جربها
على اعداء الله والاسلام زى اليهود


اما الاعضاء المحترمين
اللى بينزلوا مواضيع جديدة بحزن جدا والله لما ادخل والاقى روابط الصور
انتهت صلحيتها واللى يكون حاطت رابط لبرنامج ويكون الرابط مش شغال
وممكن يكون كاتب اصلا الشرح بشكل مش مفهوم وبلغة غريبة جدا


ياريت لاى عضو بينزل موضوع جديد على المنتدى اقوله يتبع الخطوات الاتية علشان يبقى موضوعه كامل وجميل وسهل ويبقى فعلا مبدع

1 - لازم تكون منزل الموضوع ويكون فعال ومتكونش كاتب ثغرة اتقفلت بقالها سنتين تلاته

2- اهم حاجة بيحتاجها اى عضو مبتدىء فى مجال الهاكر الشرح لازم تكون شارح
الموضوع بالصور وتكون شارح الشرح مش بشكل انت تفهمه اشرحه اكنك بتشرح لشخص
لسة مبتدىء تخيل مع نفسك وانت بتشرح انك بتشرح لشخص مبتداء ميعرفش
المعلومات اللى عندك انت وتشرحها بالترتيب واظن الكل يعرف طريقة الشرح


بالصورطريقة سهلة جدا وكل واحد مننا يقدر يصور الشاشة بتاعته من خلال زر
Print Screen اللى باعلى الاسهم بتاعة لوحة المفاتيح الكى بورد تضغط عليها
وبعدين تروح لبرنامج الPaint وتدوس Ctrl + V بمعنى اصح باست زى الكوبى
باست لاى حاجة وتحفظ الصورة بكل سهولة دة للاعضاء اللى نفسهم ينزلوا
مواضيع مشروحة بس مش عارفين ازاى يصوروا الصور

3 - التاكد من صحة الروابط اللى بتنزلها فى الموضوع وياحبذا لو كانت اثناء كتباتك للموضوع حتى تتاكد تماما ان الرابط سليم

4- لا تبخل ابدا على اى عضو باى معلومه او اى شى ممكن يفيده او ينفعه
واكتب الموضوع يكون كامل من الالف للياء حتى البرامج المستخدمة فى فط
الضغط حتى يكون الموضوع فعلا كامل مكمل والكمال لله وحده سبحانه وتعالى

5- والاهم وهو انك بعد ماتكتب الموضوع تقراه كانك عضو داخل يقرا الموضوع
وتعرف هل هتفهم الشرح ولا لا وهل الشرح بشكل منظم ولا لا وتابع الكلام
يمكن يكون فى غلطة املائية تتسبب فى افساد الموضوع كله وتكون عقدة امام
العضو اللى داخل يفهم البرنامج وتتاكد من الروابط هل سليمة فعلا ولا لا


ثـانيـاً رســــــآلــتــى التانية للاعضاء اللى بيدخلوا علشان ينزلوا البرامج وبس

اخى الفاضل ياللى داخل علشان خاطر تاخد رابط ولا تحمل موضوع لازم تبقى
عارف ومتاكد كويس جدا ان اللى نزل الموضوع دة تعب فيه جدا علشان يوصلك انت
معلومة بسيطة وبشكل مفهوم ومشروح يكفى تعبه فى كتابه وتنسيق كلام الموضوع
حتى تفهم انت ياللى داخل علشان خاطر تحمل وخلاص من غير ماترد على صاحب
الموضوع باى كلمة شكر حتى


لما يكون واحد تعبان علشان
خاطرك وعايز يقدملك احسن ماعنده علشان تفهم وانت فى الاخر تدخل تحمل ولا
تعبره باى كلمة شكر حتى وهى مش هتعطلك ولا هتاخد من وقتك حاجة اظن دية
معروفة تبقى اية اخلاقيا ملهاش غير معنى واحد الكل عارفه

ولازم
تعرف ان ردك على الموضوع دة ليه قيمة وهتشجع غيرك على انه يرد زيك وغيرك
يشجع غيرك على انه يرد زيك وغير غيرك هيشجع غيره انه يرد وهيبقى فى تفاعل
فى المنتدى واللى مش فاهم حاجة من الموضوع غيره ممكن يفهمهاله

والاهـــــــم انكم هتشجعوا صاحب الموضوع على انه يقدم لكم افضل ماعنده
وهيرد على اى طلب منكم بدل مايصيبوا الياس والاحباط لان مفيش ولا رد على
موضوعه بعد المجهود الجبار اللى عمله


اما الاخوة اللى
بيدخلوا ويردوا من غير اصلا مايشوفوا الموضوع ويكونوا طمعانين فى عدد
مشاركات زيادة مثلا ولا حاجة او يكونوا بيتسلوا بس ويكتبوا مشكوووور من
غير مايشوفوا فى اية فى الموضوع اصلا

اقـــــــول لــهـــم

انتم بكدة بتجعلوا من ردكم لا قيمة له انما لو قريتوا الموضوع فعلا بهدف
انكم تفهموا حاجة جديدة مش عارفينها وتجربوا الروابط وتشوفوا شغاله ولا لا
وان كانت شغاله اشكرووا صاحب الموضوع لانه يستحق فعلا وقتها الشكر وان
كانت لا تعمل اطلبوا منه تغيرها حتى تعم الفائدة

ولو لقيتوا فيها
باتش او فيرس نبهوا اخواتكم الاعضاء ان الملف دة ملغوم ولاتحملوا ودية
هتاخدوا عليها ثواب عظيم جدا لانكم حميتوا شخص قد يكون مبتدئ بشكل لا
يسمحله انه يكتشف هل دة ملغوم ولا لا او يكون معندوش برنامج حماية يحميه
ويقع فريسة لهذه النوعيه معدومة الضمير من اللى بينزلوا مواضيع فيها
باتشات خاصة بيهم ومتعمدين انهم يخلوا الناس فريسة ليهم


وبكدة هيكون ردكم له قيمة كبيرة جدا وتفاعل جميل جدا بين الاعضاء ونحس
كلنا اننا عائلة بين بعضنا ونفيد بعضنا ونكون قوة مدمرة لكل اعدائنا
واعداء الاسلام والعرب


ثالثا واخـــيــرا رســــــــآلـتى الى السادة مشرفى منتدى قراصنة فلسطين

اخى المشرف اختى المشرفة طبعا انا شايف مجهودكم الكبير فى محاولتكم
المشاركة فى اغلب المواضيع وانكم بتنزلوا مواضيع فعلا جميلة ومفيدة والحمد
لله

ولـــكــــن

فى بعض المواضيع اصحابها منزلين فى
الروابط باتشات وتروجانات واكواد هوتميل مفخخة ومتنسوش ان المنتدى دة اصلا
انشىء من اجل المبتديئين وبالتالى مش كل واحد هيكون ليه المقدرة على
اكتشاف الباتشات او التروجانات فى الموضوع


وفى مواضيع
تغرى العضو فى البداية وتدخل تلاقى الرابط مفخخ واكتر من عضو يكون رادد
على صاحب الموضوع ان الرابط فيه باتش او مفخخ ويطلبون منكم ازالة الموضوع
وانتم لاتزيلوا ( مثال / موضوع الاخ الديف بوينت 4 فى قسم اختراق الديجى
شات )

ارجو منكم اليقظة اكتر من كدة حتى يصبح المنتدى فعال وقوى
ويصفى من تلك المواضيع المفخخة والتى لايأمن العضو فى تنزيل البرنامج او
فتح الرابط عندما يقراها


على كل حال كدة رسالتى اللى كنت عايز اوضحها لكل اعضاء المنتدى انتهت

واانا لا اريد اى رد على الموضوع بس ياريت فعلا تتاثروا بكلامى ونبقى كلنا
ايد واحدة فى المنتدى ونتفاعل مع بعض بكل امانة واخلاص واى عضو لايبخل على
مساعدة غيره من الاعضاء فى اى مشكلة


اعــذرونــى ان كـــنــــت قــد اطــلـــت الحــــديــــث

ولكن هذه رسالة كان يجب ان اقولها وانا واثق باذن الله ان معظمكم اسلوب مشاركاته ومواضيعه سوف يتغير الى الاحسن


الى الامام باذن الله يامنتدى ( قــراصـــــنـــة فــلــســطــين )

الى الامام باذن الله ياكل اعــضـــــاء وزوار ومشرفين المنتدى الكريم

عـــاشــت فلسطين عـــاشـــ الــعــــربــــ


تــقـــبــلوووا تـــحــــيـــآتى

اخــــــــــوكـــــم (الزعيـــــــــــــــــم ) *** ارجـــو الـتثــبـيت ***
avatar
الزعيم
مدير
مدير

عدد الرسائل : 624
العمر : 22
تبادل اعلاني :
تاريخ التسجيل : 09/02/2008

بطاقة الشخصية
ننننم:

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى